Banerlər
Xəbərlər

 

AZƏRBAYCANIN MİSİRDƏKİ DİASPORUNUN FƏALİYYƏTİ YÜKSƏK QİYMƏTLƏNDİRİLİB

Misir Nümayəndələr Palatasının Din və Vəqflər İşləri Komitəsinin və yeni yaradılmış Misir–Azərbaycan Parlamentlərarası dostluq qrupunun sədri Üsəmə əl-Abd ilə Azərbaycanın Misirdəki Diaspor Təşkilatları Birliyinin sədri, Qahirə Universitetinin müəllimi, tədqiqatçı alim Seymur Nəsirov arasında görüş keçirilib.

Görüşdə Misir-Azərbaycan Parlamentlərarası dostluq qrupunun yaradılmasının ölkələrimiz üçün əlamətdar hadisə olduğu və dövlətlərimiz arasında ənənəvi dostluq əlaqələrinin inkişafında yeni töhfələr verəcəyi vurğulanıb.

S.Nəsirov Azərbaycanın Misirlə ikitərəfli əlaqələrə böyük önəm verdiyini bildirərək, ölkələrimiz arasında tarixi əlaqələrdən danışıb. O, bu ölkədəki diasporumuzun fəaliyyətindən və bu gün Misirin müxtəlif universitetlərində 600-dən çox tələbəyə Azərbaycan dilinin tədris edildiyi barədə ətraflı məlumat verib.

Üsəmə əl-Abd Azərbaycanın Misirdəki diasporunun fəaliyyətini yüksək qiymətləndirib. O, Azərbaycan xalqına Cümhuriyyətin 100 illiyi münasibətilə təbriklərini çatdırıb.

Görüş zamanı gələcək planlar haqqinda geniş fikir mübadiləsi aparılıb.

BAKİ. 21.05.2018. AZERTAC


Saytda yeni
Valyuta məzənnəsi
ABŞ dolları
1.7000
Avro
1.9423
Rusiya rublu
0.0253
Hava proqnozu
+31°
 / +23°
Bakı
Qalereya
Layihə haqqında   |   Məktub yazmaq
© www.azerbaijan.az 2010