Banerlər
Xəbərlər

 

BAKI BEYNƏLXALQ GİMNASTİKA FEDERASİYASININ KONQRESİNƏ İLK DƏFƏ EV SAHİBLİYİ EDƏCƏK

Bakı dekabrın 2-3-də ilk dəfə Beynəlxalq Gimnastika Federasiyasının (FIG) Konqresinə ev sahibliyi edəcək.

FIG-nin nizamnaməsinə əsasən, bu qurumun ali orqanı olan konqresə 115-dən çox ölkədən 300-ə yaxın iştirakçının qatılacağı gözlənilir. Konqresdə FIG-nin prezidenti və texniki əlaqələndiricisinin, həmçinin ali qurumun gimnastika növləri üzrə texniki komitələrinin prezidentlərinin hesabatları dinləniləcək. FIG-yə daxil olan qitə ittifaqlarının rəhbərləri hesabat məruzələri ilə çıxış edəcək, sonra qurumun rüblük maliyyə planı təsdiqlənəcək. Bunlarla yanaşı, FIG-yə yeni üzvlərin qəbulu, həmçinin hər hansı federasiyanın qurumdan xaric edilməsi məsələsi müzakirə olunacaq və növbəti Konqresin keçiriləcəyi yer müəyyənləşəcək.

FIG-nin rəhbər orqanlarının, o cümlədən bu quruma üzv federasiyaların Konqresdən əvvəl irəli sürdükləri müxtəlif təkliflər bu iclasın gedişində müzakirə olunacaq. Həmçinin beynəlxalq qurumun qaydalarına və Nizamnaməsinə edilə biləcək dəyişikliklərə və müxtəlif mükafatların verilməsi məsələsinə baxılacaq.

Bir qayda olaraq, Konqresdən əvvəl - noyabrın 29-da FIG-nin Prezident Komissiyasının iclası, noyabrın 30-dan dekabrın 1-dək isə ali gimnastika qurumunun icra komitəsinin iclasları keçiriləcək, daha sonra Konqresə start veriləcək.

Xatırladaq ki, 2017-ci ilin mayında FIG-nin rəhbər orqanlarından olan FIG Şurasının iclası da Bakıda keçirilmişdi.

Mükafatçılara Baş İdarə tərəfindən müvafiq dərəcəli diplom və medallar təqdim olunub.

BAKI. 29.11.2018. AzerTAc.


Saytda yeni
Valyuta məzənnəsi
ABŞ dolları
1.7000
Avro
1.9230
Rusiya rublu
0.0255
Hava proqnozu
+11°
 / +7°
Bakı
Qalereya
Layihə haqqında   |   Məktub yazmaq
© www.azerbaijan.az 2010