Banerlər
Xəbərlər

 

İSVEÇDƏKİ AZƏRBAYCAN DİASPORUNUN NÜMAYƏNDƏLƏRİ STOKHOLMDA KEÇİRİLƏN BEYNƏLXALQ FESTİVALDA ÇIXIŞ EDİBLƏR

İsveç-Azərbaycan Dərnəyinin (SAF) “Qarabağ” milli rəqs qrupu Ramazan bayramı münasibətilə Stokholmda təşkil olunan festivalda çıxış edib.

Festivalda Azərbaycan mədəniyyətini uğurla təbliğ edən “Qarabağ” milli rəqs qrupunun “Uzundərə” və “Nəlbəki” rəqsləri böyük maraq və alqışlarla qarşılanıb.

SAF-ın sədri Sevda Dadaşova yerli radioya müsahibəsində ölkəmiz haqqında ətraflı məlumat verib. O, Ermənistan-Azərbaycan Dağlıq Qarabağ münaqişəsindən ətraflı söz açaraq, ölkəmizin haqlı mövqeyi, müharibə nəticəsində doğma yurdlarından didərgin düşmüş bir milyondan çox soydaşımızın üzləşdiyi çətinliklərdən danışıb. Baş verənlərin azərbaycanlıların kütləvi soyqırımları ilə müşahidə olunduğunu qeyd edən S.Dadaşova münaqişə nəticəsində uşaqların da öldürüldüyünü, onların böyük fəlakət, məhrumiyyətlərlə üzləşdiklərini vurğulayıb. Təşkilatın sədri İsveç-Azərbaycan Dərnəyinin nəzdində fəaliyyət göstərən uşaq milli rəqs qrupunun da məhz bu səbəbdən “Qarabağ” adlandırıldığını bildirib.

BAKI. 10.06.2019. AzerTAc.


Saytda yeni
Valyuta məzənnəsi
ABŞ dolları
1.7000
Avro
1.8811
Rusiya rublu
0.0264
Hava proqnozu
+25°
 / +18°
Bakı
Qalereya
Layihə haqqında   |   Məktub yazmaq
© www.azerbaijan.az 2010