“Türkdilli Dövlətlərin Əməkdaşlıq Şurasının yaradılması haqqında” Naxçıvan Sazişinə dəyişikliklər edilir
![“Türkdilli Dövlətlərin Əməkdaşlıq Şurasının yaradılması haqqında” Naxçıvan Sazişinə dəyişikliklər edilir](/uploads/news/642c01f90cfe3.jpg)
Milli Məclis Azərbaycan Respublikası Konstitusiyasının 95-ci maddəsinin I hissəsinin 4-cü bəndinə əsasən “Türkdilli Dövlətlərin Əməkdaşlıq Şurasının yaradılması haqqında” Naxçıvan Sazişinə dəyişikliklər edilməsinə dair Protokolu təsdiqləyib.
AZƏRTAC xəbər verir ki, bununla bağlı məsələ parlamentin aprelin 4-də keçirilən iclasının gündəliyinə daxil edilib.
Milli Məclis, həmçinin “Türkdilli Dövlətlərin Əməkdaşlıq Şurası Katibliyinin maliyyə qaydaları haqqında” Sazişə dəyişikliklər edilməsinə dair Protokolu da təsdiq edib.
Sazişə dəyişikliklər edilməsinə dair Protokol 2022-ci il noyabrın 10-da Səmərqənd şəhərində imzalanıb.
Qanun layihəsi səsvermədən sonra qəbul edilib.