Xalça Muzeyində növbəti mühazirə zərgərlik məmulatları mövzusuna həsr ediləcək
![Xalça Muzeyində növbəti mühazirə zərgərlik məmulatları mövzusuna həsr ediləcək](/uploads/news/5e5ce6f945102.jpg)
Martın 7-də Azərbaycan Milli Xalça Muzeyində “Zərgərlik məmulatları” kolleksiyasına yeni daxil olan Qacarlar dövrünə xas üslubda, yüksək bədii zövqlə hazırlanan XIX əsrə aid asma bəzəklərin tarixinə dair mühazirə keçiriləcək.
Muzeydən AZƏRTAC-a bildirilib ki, “Bir eksponatın tarixi” layihəsi çərçivəsində reallaşan mühazirə muzeyin elmi-tədqiqat və milli irsin qorunub saxlanılması şöbəsinin müdiri Aytən Əhmədova tərəfindən Azərbaycan dilində təqdim olunacaq.
Mühazirəyə hər kəs qatıla bilər.
2020-03-02