Bakının 300-ə yaxın əsas küçə və prospektində gücləndirilmiş dezinfeksiya işləri aparılacaq
![Bakının 300-ə yaxın əsas küçə və prospektində gücləndirilmiş dezinfeksiya işləri aparılacaq](/uploads/news/5ebe55285067b.jpg)
Mayın 16-da səhər saatlarından etibarən Bakının mərkəzindəki və qəsəbələrindəki 300-ə yaxın əsas küçə, prospekt və yolda xüsusi kimyəvi maddələrlə növbəti dəfə əlavə gücləndirilmiş dezinfeksiya işləri aparılacaqdır.
Bu barədə AZƏRTAC-a Bakı Şəhər İcra Hakimiyyətindən məlumat verilib.
Bildirilib ki, bununla əlaqədar maddələrin qəbul edilmiş müəyyən toksikliyini nəzərə alaraq sakinlərdən ciddi zərurət yaranmadığı təqdirdə həmin tarixdə küçəyə çıxmamaq xahiş olunur.
2020-05-15