“Made in Azerbaijan” brendinin təşviqi, yerli məhsulların xarici bazarlarda tanıdılması məqsədilə Azərbaycan məhsulları Rusiyanın paytaxtı Moskvada təşkil edilən “Prodexpo 2019” sərgisində nümayiş olunur.

İqtisadiyyat Nazirliyindən AZƏRTAC-a bildirilib ki, sərgidə qida, şərab və spirtli içkilər sahəsində fəaliyyət göstərən 31 Azərbaycan şirkəti öz məhsullarını vahid ölkə stendində təqdim edir. “Prodexpo 2019” sərgisi fevralın 15-dək davam edəcək.