Türkiyə Teleradio Şirkətinin (TRT) Macarıstandakı redaksiyası Azərbaycana, onun xalqına, hökumətinə və ordusuna dəstək əlaməti olaraq Budapeştin mərkəzində keçirilmiş mitinq barədə məlumat yayıb

(bax: https://www.trt.net.tr/magyar/nagyvilag/2020/07/18/az-ormeny-agresszio-es-hegyi-karabah-megszallasa-ellen-tuntettek-budapesten-1457491).

AZƏRTAC-ın xüsusi müxbirinin əməkdaşlığı və informasiya təminatı ilə hazırlanmış materialda Ermənistan- Azərbaycan qarşıdurmasının mahiyyəti, təcavüzkar Ermənistan tərəfindən Azərbaycanın əzəli torpaqlarının işğalı barədə məlumat verilir.

Materialda vurğulanır ki, Macarıstan Azərbaycanın ərazi bütövlüyünü dəstəkləyir və Qarabağı Azərbaycan dövlətinin ayrılmaz hissəsi kimi tanıyır.