Azərbaycan parlamenti ölkədə hərbi vəziyyətin tətbiq olunması ilə bağlı qərar qəbul edib
![Azərbaycan parlamenti ölkədə hərbi vəziyyətin tətbiq olunması ilə bağlı qərar qəbul edib](/uploads/news/5f71ccdd1ed8d.jpg)
Sentyabrın 27-də Milli Məclisin payız sessiyasının xüsusi plenar iclası keçirilir.
AZƏRTAC xəbər verir ki, parlamentin Sədri Sahibə Qafarova iclası açaraq gündəliyə bir məsələnin daxil edildiyini deyib.
İclasda Azərbaycan Respublikası Konstitusiyasının 109-cu maddəsinin 29-cu bəndinə və 111-ci maddəsinə uyğun olaraq Azərbaycan Respublikası Prezidentinin Fərmanı ilə ölkədə hərbi vəziyyətin elan olunması məsələsi müzakirə edilib.
Müzakirələrdən sonra ölkədə hərbi vəziyyətin tətbiq edilməsi ilə bağlı qərar qəbul olunub.
2020-09-27