Hikmət Hacıyev: Prezident İlham Əliyevin Fərmanı ilə Azərbaycanda hərbi vəziyyət elan edilib
![Hikmət Hacıyev: Prezident İlham Əliyevin Fərmanı ilə Azərbaycanda hərbi vəziyyət elan edilib](/uploads/news/5f71cd4a51cce.jpg)
Ermənistanın Azərbaycana qarşı genişmiqyaslı hərbi təxribatları ilə əlaqədar Prezident İlham Əliyevin Fərmanına əsasən ölkəmizdə hərbi vəziyyət elan edilib.
AZƏRTAC xəbər verir ki, bu barədə sentyabrın 27-də Azərbaycan Respublikası Hərbi İnformasiya Mərkəzində keçirilən brifinqdə Azərbaycan Prezidentinin köməkçisi - Prezidentinin Administrasiyasının xarici siyasət məsələləri şöbəsinin müdiri Hikmət Hacıyev məlumat verib.
Hikmət Hacıyev deyib ki, sentyabrın 27-də Ermənistan bir neçə istiqamətdən Azərbaycanın yaşayış məntəqələrini, hərbi mövqelərini atəşə tutub. Azərbaycan Ordusu əks-hücum əməliyyatlarına başlayıb.
Fərmanda qeyd olunub ki, Konstitusiyanın 109-cu və 111-ci bəndləri nəzərə alınaraq sentyabrın 28-də gecə saat 00.00 etibarən Azərbaycanın bütün ərazisində hərbi vəziyyət elan edilib.