Dekabrın 4-də Azərbaycanın Almaniyadakı səfirliyində xalqımızın Vətən müharibəsi şəhidlərinin xatirəsi anılıb.

AZƏRTAC xəbər verir ki, mərasim iştirakçıları uzun illər işğal altında olan Azərbaycan torpaqlarının azad edilməsi uğrunda canlarından keçən qəhrəmanların ruhu qarşısında baş əyiblər.

Tədbirdə çıxış edənlər çoxdan gözlənilən bu məqsədə nail olunmasında hər bir döyüşçünün, arxa cəbhədəki hər bir vətəndaşın, bütün cəmiyyətin və Prezident, Müzəffər Ali Baş Komandan İlham Əliyevin rəhbərliyi ilə Azərbaycan Ordusunun misilsiz rolunu vurğulayıblar.

İştirakçılar yaralılılara tezliklə sağalmalarını arzulayıblar.