Böyükşor gölündə üzən günəş panellərinin quraşdırılması layihəsinin 2023-cü ilin martınadək başa çatdırılması planlaşdırlır.

AZƏRTAC Energetika Nazirliyinə istinadla xəbər verir ki, “Üzən günəş panelləri sisteminin inkişafına dair biliklərin mübadiləsi və texniki yardım dəstəyi” pilot layihəsi çərçivəsində Böyükşor gölündə 100 kilovata qədər gücə 9 malik olacaq fotovoltaik sistemin quraşdırılması, habelə günəş qurğularının quraşdırılmasında özəl sektorun iştirakının təşviqi məqsədilə biznes modellərinin formalaşdırılması, təlimlər vasitəsilə milli potensialın gücləndirilməsi planlaşdırılır. Layihənin icrasının 2023-cü ilin mart ayına qədər başa çatdırılması nəzərdə tutulur.