ATƏT-in fəaliyyətdə olan sədri, İsveç xarici işlər naziri Ann Linde, Vyanada keçirilən görüşlər çərçivəsində Dağlıq Qarabağ məsələsini müzakirə edib.

AZƏRTAC xəbər verir ki, Ann Linde “Facebook” səhifəsində ATƏT-in qarşısında duran əsas vəzifələrin səfər zamanı diqqət mərkəzində olduğunu qeyd edib.

“Səfər müddətində Dağlıq Qarabağ münaqişəsi, fikir və media azadlığının qorunmasının vacibliyi, habelə ATƏT-də mövcud olan əməkdaşlıq formalarının inkişaf etdirilməsinin zəruriliyi müzakirə edilib”, - deyə Ann Linde yazıb.