Azərbaycanda 16-18 yaşlı yeniyetmələrə istisna hallarda yeni növ koronavirus (COVID-19) xəstəliyi əleyhinə mRNT “Pfizer” peyvəndinin vurulacağı məlum olub.

Səhiyyə Nazirliyinin mətbuat xidmətindən AZƏRTAC-a verilən məlumata görə, istisna hallar dedikdə xaricdə təhsil alan və xroniki xəstəliklərdən əziyyət çəkən yeniyetmələr nəzərdə tutulur.

Qeyd edək ki, Səhiyyə Nazirliyinin Elmi Tibbi Şurası və TİBBİ Ərazi Bölmələrini İdarəetmə Birliyinin (TƏBİB) Elmi Komitəsinin qərarına əsasən, Azərbaycanda 16-18 yaşlı yeniyetmələrə koronavirus əleyhinə mRNT Pfizer (“Comirnaty”) peyvəndi vurulacaq. Vaksinasiya mərkəzləşdirilmiş şəkildə Bakı Sağlamlıq Mərkəzində aparılacaq.