Bakı və Kiyev şəhərləri arasında iqtisadi, mədəni sahələrdə əməkdaşlığın inkişafı üçün çox böyük potensial mövcuddur. Ümid edirəm ki, iki şəhər arasında Qardaşlaşma haqqında niyyət protokolunun imzalanması bu potensialın reallaşdırılmasına təkan verəcək.

Bunu AZƏRTAC-a açıqlamasında Kiyev şəhərin meri Vitali Kliçko bildirib.

Vitali Kliçko bildirib ki, Bakı çox böyük sürətlə inkişaf edir, maraqlı layihələr həyata keçirilir. Biz şəhərlərin inkişafı üçün birgə layihələrin həyata keçirilməsində maraqlıyıq.

Merin sözlərinə görə, Bakı ilə Kiyev arasında çox gözəl əməkdaşlıq var. Bu əməkdaşlığın inkişafında Ukraynanın ən böyük diasporlardan biri Azərbaycan diasporunun da xidməti var.